اسطورة الاحياء مستر ” عماد محمد ” فى ضيافة جريدة ياقوت الاخبارية
اجرينا حوارا شيقا مع الاستاذ ” عماد محمد ” استاذ و خبير مادة الاحياء للمرحلة الثانوية وقد كشف لنا الاستاذ “عماد ” اسرار التفوق في مادة الاحياء و بشكل عام من وجهة نظره وكان حوارنا معه كالاتي :
مستر عماد , في البداية ممكن تقول لنا ازاي المدرس يقدر يوصل انه يحبب الطالب فيه ؟
من وجهه نظري لازم المدرس يفهم عقلية الطالب اللي قدامه كويس و يعرف نقطة ضعفه و يقويها ونقطة قوته و يقويها اكثر , ولازم كمان المدرس يتعامل مع كل سن بما يتناسب معه
جميل جدا , طب هل ممكن مدرس يكون سبب ان الطالب يحب مادته ؟
طبعا بلا شك احيانا ممكن الطالب يكون كاره المادة جدا ويدرس له مدرس يخليه يعشق المادة
ممكن نفهم استراتيجية حضرتك في التدريس ؟
انا بهتم دائما ان الطالب يحل اكبر قدر من الاسئلة لان الحل كثير هو اللي بيثبت المعلومة وكمان بهتم جدا اني احط الطالب في موقف الامتحانات عشان لما يدخل لجنة الامتحان ميكونش عنده رهبة الامتحان
مستر عماد , ممكن تقول لنا ازاي حضرتك قدرت تحصل عل كل هذا القدر من الشهرة ؟
ولا شهرة ولا حاجة , انا دائما مؤمن انك لما توصل لمرحلة معينة , لازم دائما تبص على المرحلة اللي بعدها ومينفعش الغرور يتملكك او انك تكتفي بالنجاح , دائما اسعى للتفوق
يعني نقدر نفهم من كلام حضرتك ان اللي حضرتك بتعلمه للاولاد حضرتك ماشي به في حياتك العملية ؟
بالضبط كده , التفوق ثم التفوق ثم التفوق
وفي نهاية حوارنا .. اسطورة الاحياء يحب يوجه رسالة لابنائه الطلاب ؟
طبعا احب اقول لهم اسعوا دائما الي التفوق , ذاكروا واجتهدوا عشان توصلوا لحلمكم واتعبوا لان التفوق مش بييجي بالساهل , سهل اى حد ينجح , بس مش سهل اى حد يتفوق
شكرا جدا يا اسطورة الاحياء انك وضحت للطلبه اسرار التفوق وان محدش بيوصل للتفوق الا اذا اجتهد في شغله وطور من نفسه زي حضرتك كدة
يمكنكم التواصل مع اسطورة الاحياء مستر ” عماد ” عبر صفحته على فيسبوك :
https://www.facebook.com/profile.php?id=100011217153220&mibextid=ZbWKwL
