مستر كريم ابو ستيت استاذ اللغة العربية الشهير فى ضيافة جريدة ياقوت الاخبارية

مستر كريم ابو ستيت  فى ضيافة جريدة ياقوت الاخبارية

 اجرينا حوارا شيقا مع الاستاذ ” كريم ابو ستيت ” استاذ و خبير اللغة العربية للمرحلة الاعدادية و الثانوية و قد كشف لنا الاستاذ  “كريم ”  اسرار التفوق في مادة اللغة العربية و بشكل عام من وجهة نظره وكان حوارنا معه كالاتي :

مستر كريم ابو ستيت  في البداية ممكن تقول لنا ازاي المدرس يقدر يوصل انه يحبب الطالب فيه ؟

من وجهه نظري لازم المدرس يفهم عقلية الطالب اللي قدامه كويس و يعرف نقطة ضعفه و يقويها ونقطة قوته و يقويها اكثر  , ولازم كمان المدرس يتعامل مع كل سن بما يتناسب معه

جميل جدا , طب هل ممكن مدرس يكون سبب ان الطالب يحب مادته ؟

طبعا بلا شك احيانا ممكن الطالب يكون كاره المادة جدا ويدرس له مدرس يخليه يعشق المادة

ممكن نفهم استراتيجية حضرتك في التدريس ؟

انا بهتم دائما ان الطالب يحل اكبر قدر من الاسئلة لان الحل كثير هو اللي بيثبت المعلومة وكمان بهتم جدا اني احط الطالب في موقف الامتحانات عشان لما يدخل لجنة الامتحان ميكونش عنده رهبة الامتحان

مستر كيم ابو ستيت , ممكن تقول لنا ازاي حضرتك قدرت تحصل عل كل هذا القدر من  الشهرة ؟

ولا شهرة ولا حاجة , انا دائما مؤمن انك لما توصل لمرحلة معينة , لازم دائما تبص على المرحله اللي بعدها  ومينفعش الغرور يتملكك او انك تكتفي بالنجاح  ,  دائما اسعى للتفوق

يعني نقدر نفهم من كلام حضرتك ان اللي مستر كريم ابو ستيت بيعلمه للاولاد هو ذات نفسه ماشي به في حياته العملية ؟

بالضبط كده , التفوق ثم التفوق ثم التفوق

وفي نهاية حوارنا … مستر كريم ابو ستيت , تحب حضرتك توجه رساله لابنائك الطلاب ؟

طبعا احب اقول لهم اسعوا دائما الي التفوق , ذاكروا واجتهدوا عشان توصلوا لحلمكم واتعبوا لان التفوق  مش بييجي بالساهل , سهل اى حد ينجح , بس مش سهل اى حد يتفوق

شكرا جدا يا مستر  “كريم ”  انك وضحت للطلبه اسرار التفوق وان محدش بيوصل للتفوق الا اذا اجتهد في شغله وطور من نفسه زي حضرتك كدة