فى ظل نجاحها الباهر فى الفترة الاخيرة و ظهورها الدائم و الناجح على السوشيال ميديا و تصدرها التريند لفترات كثيرة نتيجة لاعمالها , قمنا بمحاورة البلوجر و الميك اب ارتيست ” اسراء صابر ” للتعرف اكثر عليها و على حياتها و شخصيتها عن قرب و الدخول فى عالمها اكثر و اكثر و معرفة اسرار نجاحها الكبير و الباهر و كان هذا حوارنا معها
= ممكن تعرفينا بنفسك اكتر ؟
اوى اوى , انا اسمى اسراء محمد صابر , عندى 25 سنة , اتخرجت من اكاديمية المدينة التابعة لجامعة القاهرة سنة 2020
= ممكن تقوليلنا بداية اكتشافك لموهبة الميك اب جت ازاى ؟
انا اكتشفت الموهبة دى من و انا 12 سنة و بدأت انميها اكتر و اكتر لما كبرت و عشان اعمل ده اخدت كورس لتطوير موهبتى و كنت دايما بجرب فى اصحابي او فى اهلى لو كان فى مناسبة او فرح و ابتدت الرحلة من هنا
= كانت الرحلة صعبة ولا سهلة بقي ؟
كانت صعبة و متعبة جدا و لسة متعبة و صعبة لانى شايفة ان رغم كل النجاح ده انا لسة معملتش حاجة خالص , احيانا مكنتش باكل او اشرب او انام فى سبيل انى اسهر اتفرج على فيديوهات تعليم الميك اب و اكتب فى نوتة عندى كل حاجة بشوفها و افضل اذاكر كتير و بعدها اطبق اللى اتعلمته و لسة بعمل ده و هفضل اعمل ده دايما
= هل ليكى مثل اعلى فى الميك اب ؟
طبعا , كنت بتفرج على فنانين ميك اب زى اسماء عادل و مروة يحيي و فنانين اجانب
= حلو جدا , اسراء صابر بدأت اول خطوات فعلية ليها فى الميك اب ازاى ؟
كنت بحوش من مصروفى و كنت بشترى علب ميك اب كتير اوى و مكانتش احسن او انضف حاجة بس كنت بتعلم فيها مع نفسي و بعدها واحدة واحدة ابتديت اشترى حاجات انضف شوية و بدأت ادرس بعدها انواع البشرات عشان اقدر ابقي عارفة ازاى اتعامل مع كل بشرة
= هل كان فى تشجيع ليكى من الاسرة ؟
طبعا , اول الداعمين ليا هى ست الكل امى ربنا يديها الصحة , هى اللى كانت بشتجعنى و بتقوينى و بتساعدنى فى كل حاجة محتاجاها عشان ابقي احسن واحدة فى الدنيا , و اكيد والدى الله يرحمه لو كان عايش كان هيشجعنى و يدعمنى زيها بالظبط بس للاسف هو اتوفى من وانا عندى سنة و نص
= هل اصدقاء اسراء صابر كانوا داعمين ليها ؟
فى منهم دعمنى و لكن للاسف الجزء الاكبر كان بيحبطنى و يقلل من موهبتى و شايفين انى مش هقدر اوصل لحاجة فى مجالى و لكنى مكنتش بهتم بيهم خالص و كنت بركز مع الجزء اللى بيدعمنى و هما السبب بعد ربنا ثم امى فى اللى انا وصلتله
= ايه الميزة التنافسية بين اسراء صابر و اى ميك اب ارتيست تانية ؟
حاجتين الحقيقة , اول حاجة ان الخامات اللى بستعملها هى من انضف الخامات الموجودة و اللى تقدر تطلع شكل جميل و شيك و ميكونش فيه اى عيوب , و مبحبش استعمل اى خامات ( مضروبة ) او مش اصلية , بالعكس بحس ان ماتيريال شغلى بتعكس شغلى نفسه
تانى حاجة هى الاسعار بتاعتى , لان اى ميك اب ارتيست بيكون سعرها غالى جدا عشان بتستعمل ماتيريال كويسة حتى مش اصلية , انا بقي بستعمل ماتيريال اصلى و كمان السعر مش كبير عشان يلائم كل الناس و كل الفئات
= ممكن تقوليلنا مثلا الاسعار بتبدأ من كام ؟
عندى مثلا على سبيل المثال و ليس الحصر باقة الخطوبة دى ب 1500 جنيه بس , و الزفاف ب 3000
= فى اى مشاريع قادمة لاسراء صابر ؟
انا حاليا بجهز الاستوديو الشخصى بتاعى عشان اسهل على اى عروسة او بنت انها تشرفنى
= ممكن كلمة اخيرة لاى بنت حابة تكون زي اسراء صابر فى حياتها و شغلها ؟
احب اقولهم ابعدوا عن اى حد يحبطكم او يقلل من طموحكم او يحطمكم او يحسسكم بفشلكم , انتبهوا لشغلكم و ثقوا فى ربنا و لكل مجتهد نصيب
= تحبي توجهى كلمة اخيرة لاى حد ؟
حابة اشكر امى على كل حاجة عملتها معايا لان هى الداعم الاول و الاخير ليا فى حياتى و مسيرتى و حابة اشكرها على احتمالها لاى حاجة واجهتها و كبرتنى و علمتنى و دعمتنى و ربنا يخليها ليا يارب
بنشكر البلوجر و الميك اب ارتيست ” اسراء صابر ” على حوارها الجميل و الشيق معانا و تقدروا تتواصلوا معاها على صفحتها على الفيسبوك
https://www.facebook.com/profile.php?id=100088949530943&mibextid=LQQJ4d
