أستاذ حسين شلبي استاذ و خبير اللغة العربية فى ضيافة جريدة ياقوت الاخبارية
أجرينا حوارا شيقا مع الأستاذ ” حسين شلبي ” أستاذ و خبير مادة اللغة العربية للمرحلة الأعدادية وقد كشف لنا الأستاذ “حسين” أسرار التفوق في مادة اللغة العربية و بشكل عام من وجهة نظره وكان حوارنا معه كالاتي :
أستاذ حسين , في البداية ممكن تقول لنا ازاي المدرس يقدر يوصل انه يحبب الطالب فيه ؟
من وجهه نظري لازم المدرس يفهم عقلية الطالب اللي قدامه كويس و يعرف نقطة ضعفه و يقويها ونقطة قوته و يقويها اكثر , ولازم كمان المدرس يتعامل مع كل سن بما يتناسب معه
جميل جدا , طب هل ممكن مدرس يكون سبب ان الطالب يحب مادته ؟
طبعا بلا شك احيانا ممكن الطالب يكون كاره المادة جدا ويدرس له مدرس يخليه يعشق المادة
ممكن نفهم إستراتيجية حضرتك في التدريس ؟
أنا بهتم دائما ان الطالب يحل اكبر قدر من الاسئلة لان الحل كثير هو اللي بيثبت المعلومة وكمان بهتم جدا اني احط الطالب في موقف الامتحانات عشان لما يدخل لجنة الامتحان ميكونش عنده رهبة الامتحان
ممكن نسأل حضرتك عن شهاداتك و خبراتك فى مجال التعليم ؟
خريج كلية دار العلوم بتقدير جيد جدا .
ودبلوم فى المناهج وطرق التدريس والتعلم المدمج
ودبلوم فى ادب الرحالة .
عضو لجنة تحسين مهارات القراءة والكتابة.
استاذ حسين , ممكن تقول لنا ازاي حضرتك قدرت تحصل عل كل هذا القدر من الشهرة ؟
ولا شهرة ولا حاجة , انا دائما مؤمن انك لما توصل لمرحلة معينة , لازم دائما تبص على المرحلة اللي بعدها ومينفعش الغرور يتملكك او انك تكتفي بالنجاح , دائما اسعى للتفوق
يعني نقدر نفهم من كلام حضرتك ان اللي حضرتك بتعلمه للاولاد حضرتك ماشي به في حياتك العملية ؟
بالضبط كده , التفوق ثم التفوق ثم التفوق
وفي نهاية حوارنا .. أستاذ حسين يحب يوجه رسالة لابنائه الطلاب ؟
طبعا احب اقول لهم اسعوا دائما الي التفوق , ذاكروا واجتهدوا عشان توصلوا لحلمكم واتعبوا لان التفوق مش بييجي بالساهل , سهل اى حد ينجح , بس مش سهل اى حد يتفوق
